اسماعيل عمرو عمارة
شهادتى على فض ميدان الحرية والعزة ميدان "رابعة" 14/8/2013
.
.
أولاً أنا مش راجل علشان مكنتش فى الصفوف الأمامية وكل اللى استشهدوا هما الرجالة الحقيقيين .. ووالله طو 14 ساعة متواصلة ماشفتش أى سلاح مع حد من المرابطين
(المشهد الأول)
الساعة 5:00 :انتهينا من صلاة الفجر واتصلت بوالدتى قلتلها أنا هرجع على الضهر عشان احتمال يقتحموا فمش هسامح نفسى لو سبت الناس هنا ونمت فى العربية جنب بوابة التأمين
6:40 : صحيت على صوت ضرب رصاص ونزلت وقفت فى ظهر شباب التأمين اللى فى ظهر المستشفى المركزية
7:00 : الضرب جاى من كل حتة وغاز خانق ومصابيين بيعدوا قدامنا
7:30 : داخل أنا و 2 تانين من باب كده فىه الحمامات والوضوء وسمعين رصاص قناصة بيعدى جنب ودننا جاى من ورانا فجرينا على الباب واحد دخل يمين وأنا دخلت شمال ونطيت ورا شكاير أسمنت واللى فى النص دماغة انفجرت والناس شالوه
قعدنا مستخبين تحت عمراة والرصاص بيعدى من فوقينا ويرشق فى العمارة
7:45 : لقيت واحد مستخبى معانا بيقول احنا لازم نطلع ننقذ اخواتنا فلمحت فى جيبة علبة سجاير فقلتلة انت هتموت كمتن شوية يا ريت تبطل سجاير قالى عندك حق وراح فاجئنى راحى مطلع كل السجاير وقطعها ورماها على الأرض
8:15 : طلعنا من المكان ده وقعدت أفكر فى ازاى أنا هموت ففضلنا قاعدين فى مكانا وصوت الرصاص والقنابل يصموا الاذان والغاز قاتل
8:45 : وصلت مسيرة كبيرة والناس بدأت تكبر والخوف راح
9:00 :حاولت أعدى عشان أخش المسجد من ورا عشان نعرف نطلع على الميدان بسكان فيه حتة مكشوفة حولى 2 متر القناصة كانوا بيموتوا أى حد يعدى منها فالناس كانت بتهدى قبليها وتعدى جرى ..المكان ده فى ظهر مستشفى رابعة المركزى
(المشهد الثانى)
9:30 : عرفت أدخل محيط المسجد والناس هناك كانوا شايلين جثث وبيحاولوا يخرجوها برة الميدان اللى مخة طالع من دماغة واللى واخد رصاص فى باطنة ,الأطقم الطبية قاعدة بتعمل جراحات فى الشارع واللى رجلة مفتوحة بتتخيط وبيتشال منها رصاص واللى دماغة بتتخيط
طلعنا على الميدان بين المستشفى الميدانى والمنصة كل الدنيا محروفة بما فيها المستشفى الميدانى الستات مبيجروش الرجالة بيزعقوا فيهم عشان يرجعوا , قعد يتظرب علينا من رشاش الدبابات فرحنا نطين على الأرض مسخبيين ورا الباب بتاع صور المسجد ومات ناس كتير بس مفيش حد عارف يجيبهم من على الأرض علشان القناصة والسلاح الالى بيضرب علينا وفى ناس ميتة فى وسط النار
10:30 : رحت عشان أشوف العربية لقيت الزجاج مكسور والظهر سايح وعربيتين جنبى متفحميين فخدت العربية عشان أحطها فى مكان تانى لقيت فى جثث وناس مصابة عاوزيين يتنقلوا لأى مستشفى عشان مفيش اسعاف ففكرت لحظات كده وبعدين توكلت على الله فواحد ركب معايا واخد خرطوش فى كليته وبعدين واحد قالى يا أخى ممكن بس تاخد واحد معاك لأقرب مستشفى ففتحنا العربية لقيت الناس شايلا واحد فى بطنية واخد 3 رصاصات واحدة فى صدرة وبطنة
10:45:رجنا مستشفى لقيناها مقفولة جينا نروح على مستفى الـتأمين المصاب اللى جنبى قالى مش هيستقبلونا عشان واخدين تعليمات من أمن الدولة وصلنا فى الاخر لمستشفى بعيدة جداً والمصابيين نزلوا
12:15 :و أنا طالع من المستشفى واحد قالى خدنى معاك طلعنى على الطريق وبعدين سألنى انت رايح فين قلتلة رايح رابعة قالى بجد خدنى معاك أنا عاوز أموت وبعدبن ماشيين راح قالى ممكن أشرب سجاير فى العربية قلتله يا عم انت داخل تموت قالى عندك حق
1:00 : وصلنا الميدان فلقيتة متحمس يخش قلتلة طب استنى نصلى الظهر قالى بس أنا عاوز أتطهر الأول قبل ما أتوضا أعمل ايه فقلتله , وبعدين قاللى أنا أصلا مابصليش بس هصلى عشان ممكن أموت , وبعدين صلينا وقالى ربنا يخلينى أواظب على الصلاة , ةحسيت ان هو متحمس جداً فلقتلة فين الأماكن اللى فيها قناصة زضرب وقلتلة خليك جنبى عشان كنت خايف عليه من حماسة وبعدين اتشغلت وملقتهوش جنبى دخل على جوة و معرفش مات ولا لأ
من 1:30 --4:30 : قعدنا فى كر وفر نتقدم يضرب علينا غاز ورصاص وخرطوش وناس تستشهد ويتشالوا ويكفنوا الشهداء على الرصيف والمصابيين يتعملهم جراحات مفتوحة فى الشارع
(المشهد الثالث)
6:00 : مصابيين وشهداء رموهم بره المستشفى المركزى اللى فى ضهر المسجد والله المصابين متشالين على عربيات التين الشوكى كل اتنين على عربية .. واللى ملموم فى بطاطين بتخر دم .. واللى بيتكفن فى الشارع ومش و دماغة مخرومة ومبتسم .. واللى متكفن بس عاوزيين ينقلوه اخر الشارع بس مفيش عربيات ..واللى متكفن والناس بتجرى بيه يروح واقع من على كتفهم .. واللى ميت ومتخشب وعطينة على كرسى متحرك كل شويق يقع منه على الأرض
وقع حتى الان أكثر من 2000 شهيد لن يثنينا ما حدث عن الدفاع عن الحق والنصر ات فاصبروا
والله على ما أقول شهيد
No comments:
Post a Comment