شاهد عيان - 20 -

Karimaameen Elserafy

https://www.facebook.com/kelserafy

هذه شهادتى على مجزرة فض رابعة والله على ما أقول شهيد

صحيت فجر الاربعاء فى بيتنا وع الساعة 6 شفت خبر عاجل ع الجزيرة عن بدء فض إعتصام النهضة عرفت ساعتها ان رابعة كمان هتتفض صحيت اخويا ولبست بسرعة وجريت على رابعة طبعا كانت كل الطرق مقفولة ومن المستحيل الدخول لرابعة نزلت عند مسجد نورى خطاب وكانت الساعة 7 ص وقتها والناس بتجرى من الغاز فضلت أكبر وأكمل دخول فى شارع الطيران لقيت مجموعة ناس عند اخر المدينة الجامعية للبنات كلهم رجال عدا سيدة واحدة وقفت جنبها وكنا بنحاول نقدم لجوه لكن قوات الشرطة كانت بترمى قنابل حارقة والناس كل شوية ترجع لاول الشارع وانا واقفة مكانى اتصلت بأمى أقلها ان فى حال استشهادى انا عليا دين كذا وقفلت فضلت انا والسيدة وحوالى خمستاشر شاب واقفين مكانا مبنرجعش لورا والشرطة كل شوية تضرب قنبلة غاز حارقة فضلنا نقدم لغاية ما بقت الشرطة خلاص فى وشنا وانا بزعق وبتحسبن وبكبر وبكلم أفراد الامن فرادى وكان جنبى شاب بيقولهم ردوا عليها ردوا عليها وبدأ فعلا يكلم معايا أفراد الامن لغاية لما جه ظابط ملثم ضرب نار حى وكله رجع عدا انا والسيدة والشاب قعدنا ع الارض وبنكبر وبندعى بصوت عالى وشايفين رابعة من بعيد الدخان طالع منها بعد شوية خمس ثوانى مثلا جه الظابط الملثم مسك الشاب وهو بيشتم بأفظع شتايم ممكن تتسمع وبيحاول يجره لجوه عندهم مسكت فى ايد الشاب وقعدت ازعق سيبوا اخويا سيبوا اخويا ققام صف حوالى عشر افراد من الشرطة التفوا حوالينا وانهالوا علينا ضرب بعصيانهم وبيجروا الشاب لجوه وانا ماسكه فيه وهما بيضربوا لغاية ما الشاب شد ايدى عنه وسحبوه هما سحل لجوه وخدونى انا والسيدة جنبهم والناس اتراجعت خالص وكل حد بيقرب بيضربوا غاز وخرطوش على طول جت سيدة راكبة عربية وبأقصى سرعة دخلت فى الشرطة ومسكهوها وبرضه معرفش عملوا فيها ايه بعدها شوية والناس بدأت تظهر تانى بأعداد أكبر وعرفوا ان الشرطة معاهم سيدتين فكانوا عايزين يطلعونا وسمعت لظابط الى بيدى الاوامر بيقلهم متضربش حى غير لما يقربوا خالص بعدين اصطادهم بقى زى الفيران فضلت اصرخ فى اللى بيقدم ارجع لور هيصفوكم وبدأ فعلا ضرب نار حى لكن كل ظابط كان بيضرب حى كان وراه واحد بلبس مدنى بيعد الرصاصات وبيلم الفارغ وبيحطه فى صندوق واقف عنده حوالى خمس عساكر امن مركزى وتكرر الكر والفر حوالى خمس مرات وفى كل مره مكنش بيرجع الناس لورا غير الرصاص الحى بعدها الناس رجعت لأول الشارع كان فى مسيرة جاية من مسجد السلام فى الوقت ده كان فى كشك عند نهاية سور المدينة الجامعية راحت قوات الشرطة كسرته وخدت كل حاجة فيه اكلتها الناس استغلت الفرصة دى وبدأت تقدم تانى والشرطة بتضرب حى وانا مش عارفة اخد فارغ رصاصة واحد اثبت بيه ان بداية الفض للناس اللى حتى كانوا بره الميدان كانت بالحى فطلعت الموبايل اصور جت السيدة تحذرنى ملحقتش واحد قال الحق ياباشا دى بتصور مكملش الكلمة لقيت عشرين واحد حواليا بيحاولوا ياخدوا الموبايل فالسيدة قعدت تزعق هتضربوا الستات هتضربوا الستات جه نفس الظابط الملثم وقال وهم فين الستات دول رديت عليه بصوت عالى احنا رجالة وانتوا اللى ستات فنزل عليا العشرين جندى ضرب وخدوا الموبايل وقالى فين الفيديو ولا اقولك وقام رامى الموبايل بأقصى قوة فى خرسانة الحيط وبعد كده خد الميمورى كسره فى الوقت ده الناس بدأت تانى تقدم بقوة وضرب الحى اشتغل تانى مع الخرطوش والغاز والناس بعد المسيرة كانوا كتير جدا وبيقدموا بقوة وماسكين طوب قصاد حى وقناصة وخرطوض وغاز والامن بيرجع لورا خايف وكل قنبلة غاز بيحدفوها الناس تمسكها وتحدفها تانى عليهم واتخنقوا ورجعت الشرطة لورا اكتر لغاية لما الناس قدرت توصلنا وخدتنا ساعتها بقى جت مدرعات من جوه والامن وراها وبيضربوا بشراسة رجعنا لورا اكتر والغاز زاد بطريقة غريبة وأصبت بإختناق واحتراق عجيب روحى بتطلع اكيد بصيت لجوه على رابعة لقيت الدخان بيتزايد اتسمرت مكانى الاخوة شدونا لجوه وابتدى حواليك يبقى بدل الشهيد عشرة والاخوة تزعق الاخوات ترجع الاخوات ترجع وانا بزعق نرجع لمين نرجع لمين اهلنا كلهم جوه رابعة بيتنا جوه واستشهد الاخ اللى جنبى واتصابت الاخت اللى ورايا والناس كلها بتقع وبترجع لورا .....هذا وشهادتى لم تنتهى هذه شهادتى فقط من الساعة 7 حتى 11ص والبقية تأتى والله على ما أقول شهيد