عائشة عبد الرحمن أبو العنين
شهادتى على مجزرة رابعة
كنت فى خيمة نايمة كنت تعبانة وعندى دور برد مش بتحرك من مكانى فجاة ماما جتلى قالتلى
يلا نفير للميدان عشان فى قلق طالعنا ميدان ووقفنا سالت فى ايه
قالولى مدرعات جيش برة وعايزة تدخل ميدان تفضه
ولقيت راجل جنبى جاه لولاده وزوجته قالوهم أستودعكم الله .
لا اله الا الله ..انا بحبكم اووى ووصى الأم على الأولاد لان ممكن استشهد
ادرجت مدى خطورة الموقف اللى بقينا فيه وفى ميدان
وفجاة بدا ضرب غاز من كل ناحية بطريقة مش طبيعية لدرجة بقينا بنشوف بعض بالعافية
وبعدها على طوول بدا ضرب رصاص حى والى وخرطوش مع غاز متوقفش للحظة
وبدا طبعا ناس تتساقط وتستشهد ..وبعد وقت بسيط طلعه على منصة بيبى استشهد
واللى عمر ماتخيلت انه ممكن يحصل لقيت ضرب جاى من طيارات من فوق
قناصة فوق فى طيارة وتنشين لدرجة انها فى مرة قربت من منصة وقتلت مصور جزيرة عمار
وطبعا اكتر حاجة كان نفسهم يقضوا عليها مصوريين عشان مينقلوش حقيقة
وكان فى راجل فى خيمة مع زوجته وفجاة اضرب وتقتل جنب زوجته
وراجل كان واقف ماسك مصحف وضرب رصاصة فى راسه ونزل خد وضع سجود واستشهد
وفضلنا فى ضرب بكل انواع اسلحة وغازوقنابل دون توقف
وكان احلى كلمة بسمعها من منصة لما فى بوابة من ميدان يشتد ضرب فيها
ويحتاجه شباب فيها ..فيندوهم على منصة يلا عشاق شهادة محتاجنكم فى بوابة كذا
وبعدين لما يلاقوا شباب كتير تجرى تروح يقولولهم كفاية كده يا شباب
وكان اكتر ضرب عند شارع طيران من ناحية حرس
وباب تانى من ناحية جنينة مول ..عشان يدخلوا مستشفى ميدانى ويحرقوا جثث شهدا
ويخفوا فضيحتهم واللى عملوه وفعلا حرقوا فى جثث شهدا
واصعب حاجة ضرب من طيارات مكنش بيتوقف للحظة وبيصيبوا فى اخطر اماكن عشان يقضوا علينا
وكنا واحنا فى ميدان تلاقى اى حد حوليك بيقع من قناصة فى كل حتة
وعلى عصر دخلنا مسجد وضرب على مسجد كل مادى ما بيزيد ومصابين معانا بيتخنقوا من كتر غاز
ومصابين مش لاقيين اللى يسعفهم ..لان اسعاف كانت بتتمنع تدخل
وفى مصابين قعدت تنزف ب6و8ساعات استشهدوا
وبعد شوية واحنا فى مسجد الرجالة قالوا ممكن نطلع من باب ورا
وبدانا نتحرك ونطلع واحنا طالعين كان فى مدرعة وواقف جنبها قوات خاصة ملثمين ووقفين باسلحة
عشان يفزعونا وبيبصلنا بطريقة اكننا يهود مش مصرى ومن حقه يدافع عنى مش يقتلتى
وراح راجل لواحد منهم يقوله لو سمحت عايز ادخل اجيب بنتى قالوا امشى من هنا
بدل ما اخربها عليكم كلكم ..تهديد علنى واضطر راجل يمشى عشان ينقذ باقى
ومهم مشيتا واتحركنا وكل واحد حاول يروح اى حتة ممكن يريح او يرجع محافظة بتاعته
ودى كانت شهادتى بس واقع اصعب بكتير مليون الف مرة
ومعلش لو كلام ملغبط بس فعلا حالتى صعبة وواجب شهدا علينا نعرف ناس حصلنا
لن ننسى حقك يا شهيد ..
وحياة دمك يا شهيد ..
ماهنسيب حقك ولا هنضيعه
وهنجيب حققك ..ونحققك حلمك
اسفة يا شهيد انى روحت سليمة وممتش معاكم
اسفة اننا معرفناش نسعفكم
اسفة انهم حرقوا جثث
بس والله ما هضيع حقكم
وهفضل اقولها وباعلى صوووووووووت
#يسقط يسقط حكم العسكر
No comments:
Post a Comment