شاهد عيان - 39 -

محمد بشر عقيد

https://twitter.com/Elbhaery 

• 1- وأنا واقف جوة المسجد فجأة لاقيت صوت برة ، طلعت لاقيت كر وفر وقنابل غاز عمالة تتحدف .. والداخلية داخلة بحوالي 7 مدرعات

• 2- حطينا حاجز علشان ميعرفوش يدخلوا وللأسف الشارع نضيف مافيهوش طوب نحدفه ، فا دخلت أنا جوة المسجد بنحاول ننقل الجثث بس ماعرفناش

• 3- منظر الأهالي جوة وهم خايفين على جثث أولادهم منظر مرعب ، بجد مافيش أصعب من إنك تكون مش عارف تنقذ إبنك مش وهو عايش ، لأ وهو ميت !!

• 4- مالقناش حل تاني غير إننا نطلع نقاوم الداخلية ، وطبيعي وسط ما الغاز بيتحدف في كام نفر من الداخلية بيضربوا خرطوش وحي

•5- الضرب كالعادة كان عشوائي ، ساعتها طالتني طلقة خرطوش ف دراعي ، وواحد جنبي بشوية جات ف رجله رصاصة حي .. ومعرفش مصيره إيه لحد دلوقتي

• 6-ناس معرفهومش جريوا بيا ورا المسجد وعملولي إسعافات وجات بسيطة الحمدلله ، وكان في حالات إختناق بالعبيط ..

• 7- الداخلية قربت جدا من الموجودين وبدأت تعتقل ف أهالي المتوفيين ، وإعتقال عشوائي كالعادة ..

• 8- و ف الآخر محدش عرف يقاوم الداخلية لإن العدد كان كبير .. وف الآخر عربيات الإسعاف دخلت ونقلت معظم المتوفيين اللي جوة مش عارفين لفين

وتمت بنجاح عملية إنتهاك حرمة الأموات على يد الشرطة المصرية